Oct 11, 2016

ပုရစ်အော်သံနဲ့ အပူချိန်

သင်သိပြီးပြီလား? ပုရစ်အော်သံကို မှတ်သားရေတွက်ပြီး ရာသီဥတုအပူချိန်ကို တွက်ချက်သိရှိနိုင်ပါတယ်။ တကယ်ပါ၊ အောက်မှာ အသုံးပြုရမဲ့ ဖော်မြူလာကို ဖော်ပြထားပါတယ်။

Cricket

ပုရစ်တွေက ပုဇဉ်းရင်ကွဲတွေလို အဆက်မပြတ် အသံထွက် အော်တာမျိုး မဟုတ်ပါဘူး။ ဂျီ ... ဂျီ ...ဂျီ ဆိုပြီး ပြတ်တောင်းပြတ်တောင်းအသံထွက် အော်တာမျိုးဆိုတာ သိပြီးဖြစ်မှာပါ။

ပုရစ်အော်သံကို အပူချိန် ဒီဂရီဖာရင်ဟိုက် အဖြစ်ပြောင်းလဲရန်အတွက် ၁၄ စက္ကန့် အတွင်းရှိ ပုရစ်ရဲ့ ပြတ်တောင်းပြတ်တောင်းထွက်တဲ့ တဂျီဂျီ အသံ အရေအတွက်ကို ရေတွက်မှတ်သားရမှာ ဖြစ်ပါတယ်။ ပြီးရင် အဲ့ဒီအော်သံအရေအတွက်ကို ၄၀ နဲ့ ပေါင်းလိုက်ရင် အပူချိန်ဒီဂရီဖာရင်ဟိုက်ကို သိရပါပြီ။

ဥပမာ - ၁၄ စက္ကန့်အတွင်းမှာ ပုရစ်ရဲ့ တဂျီဂျီအော်သံအရေတွက် ၃၀ ရှိတယ်ဆိုပါစို့
၃၀ + ၄၀ = ၇၀°F

အကယ်၍ အပူချိန်ရလဒ်ကို ဒီဂရီဆဲလ်စီးယက်စ် အဖြစ်နဲ့ရချင်ရင်တော့ ၂၅ စက္ကန့်အတွင်းရှိ ပုရစ်အော်သံအရေအတွက်ကို ၃ နဲ့ စားပြီး ၄ နဲ့ ပေါင်းရမှာဖြစ်ပါတယ်။

ဥပမာ - ၂၅ စက္ကန့်အတွင်းရှိ ပုရစ်အော်သံအရေအတွက် ၄၈ ကြိမ်ရှိတယ်ဆိုပါစို့
၄၈ / ၃ + ၄ = ၂၀°C

အောက်က ဗွီဒီယိုလေးကို ဖွင့်ကြည့်လိုက်ပါ။


Oct 7, 2016

လျှာဗွေရာ

လူ့ခန္ဓာကိုယ်ထဲက အသန်မာဆုံး ကြွက်သားတွေထဲက တစ်ခု အပါအဝင်ဖြစ်တဲ့ 'လျှာ'မှာ နောက်ထပ် စိတ်ဝင်စားစရာကောင်းတဲ့ အရည်အသွေးတစ်ခု ရှိပါသေးတယ်၊ အဲ့ဒါကတော့ လျှာဗွေရာ ပါ။

လျှာ

လူတိုင်း မတူကွဲပြားတဲ့ လက်ဗွေရာ ရှိကြသလိုပဲ 'လျှာ' ရဲ့ အရေးအကြောင်းပုံသဏ္ဍာန်ကလဲ တစ်ဦးနဲ့တစ်ဦး မတူညီကြပါဘူး။ ဒီတော့ လက်ဗွေရာလိုပဲ လျှာဗွေရာ ကိုစစ်ဆေးပြီး သင်ဘယ်သူဘယ်ဝါဆိုတာ စုံစမ်းဖော်ထုတ်နိုင်ပါတယ်။ ဒါကြောင့် သင့်လျှာကို အလွယ်တကူ မထုတ်ပြပါနဲ့ 😁😁

Oct 3, 2016

အံ့ဖွယ် ဦးနှောက်

သင့်ခေါင်းထဲမှာ သင်လုပ်သမျှတိုင်းကို ထိန်းချုပ်တဲ့ ရှုံ့တွတွအရာဝတ္ထုတစ်ခုရှိပါတယ်။ အဲ့ဒီအရာဟာ အလေးချိန် ၁.၃ ကီလိုဂရမ်ဝန်းကျင် အလေးချိန်ရှိပြီး ၎င်းဟာ သင့်ကို တွေးတောနိုင်စေတယ်၊ လေ့လာသင်ယူနိုင်စေတယ်၊ စိတ်ခံစားမှုတွေ ဖြစ်ပေါ်ခံစားနိုင်စေသလို သင်မျက်တောင်ခတ်တာ၊ အသက်ရှူတာနဲ့ နှလုံးခုန်တာတွေကိုပါ ညွှန်ကြားထိန်းချုပ်နေပါတယ်။


အဲ့ဒီဆန်းကျယ်လှတဲ့ ခန္ဓာကိုယ် အစိတ်အပိုင်းကတော့ ဦးနှောက်ပဲဖြစ်ပါတယ်။ ဒါကြောင့်ပဲ အံ့ဩစရာကောင်းတဲ့ အဲ့ဒီဦးနှောက်ကို သိပ္ပံပညာရှင်တစ်ဦးဖြစ်တဲ့ James D. Watson က ဦးနှောက်ဟာ "ကျနော်တို့ စကြဝဠာကြီးထဲက ရှာဖွေ့တွေ့ရှိရသမျှတွေထဲမှာ အရှုပ်ထွေးဆုံး အရာဝတ္ထု" အဖြစ် ပြောဆိုခဲ့တာဖြစ်တယ်။ အောက်ဖော်ပြပါ အချက်အလက်တွေက စိတ်ဝင်စားစရာပါ။

Sep 15, 2016

ပုတ်သင်ညိုရဲ့ လျှာ

ပုတ်သင်ညိုရဲ့ လျှာ
ပုတ်သင်ညိုတစ်ကောင်ရဲ့ လျှာဟာ သူ့ခန္ဓာကိုယ်ရဲ့ နှစ်ဆလောက်အထိ ရှည်ပါတယ်။ ဒါပေမဲ့ သူ့အမြီးကိုပါ ခန္ဓာကိုယ်အတိုင်းအတာထဲ ထည့်တွက်မယ်ဆိုရင်တော့ သူ့ရဲ့လျှာဟာ သူ့ခေါင်းကနေ အမြီးဖျားအထိရှည်ပါတယ်တဲ့။

chameleon

ဆင်တွေ မခုန်နိုင်ပါဘူး

ဆင်တွေ မခုန်နိုင်ပါဘူး
ဆင်ကြီးတွေခုန်တာ သင်မြင်ဖူးပါသလား။ ဆင်တွေဟာ မခုန်နိုင်ကြပါဘူး။ ဆင်တွေဟာ မခုန်နိုင်တဲ့ တစ်ခုတည်းသော နို့တိုက်သတ္တဝါပါ။

elephant

လိပ်ပြာ

လိပ်ပြာ
လိပ်ပြာတွေမှာ မှန်ဘီလူးပေါင်း ထောင်ချီပါဝင်တဲ့ မျက်လုံးနှစ်လုံးရှိပါတယ်။ ဒါပေမဲ့လည်း အံ့ဩစရာကောင်းတာက လိပ်ပြာတွေဟာ အနီ၊ အဝါ နဲ့ အစိမ်းရောင်တွေကိုသာ မြင်တွေ့နိုင်ကြပါတယ်။

butterfly